“Olimpiyaçılar aramızda” açıq Respublika turniri başlayır

Sayta qoyulub: 08:19 31.01.2013 (139 dəfə oxunub)

Sərbəst və yunan-Roma güləşi üzrə 1997-98-ci il təvəllüdlü yeniyetmələr arasında “Olimpiyaçılar aramızda” açıq Respublika turniri keçiriləcək.

 

 

Turnirin keçirilməsi yeniyetmələr arasında sərbəst və yunan-Roma güləşi idman növlərinin inkişafına və kütləviliyinə nail olmaq, ehtiyat qüvvələri aşkarlamaq və 2014-cü ildə keçiriləcək yeniyetmələrin II Olimpiya Oyunlarına hazırlıq məqsədi daşıyır.

FİLA-nın qaydalarına əsasən keçirilən turnir iki mərhələdən ibarətdir. İlk mərhələdə 02-19 fevral 2013-cü il tarixlər arasında AGF-nin regional nümayəndəliklərinin əhatə etdiyi ərazilərdə Region birinciliyi uğrunda yarışlar keçiriləcək.

2-3 fevral – 5 saylı nümayəndəlik, Göyçay
5-8 fevral – 1 saylı nümayəndəlik, Bakı
6-7 fevral – 2 saylı nümayəndəlik, Sumqayıt
9-10 fevral – 7 saylı nümayəndəlik, Gəncə
10-12 fevral – 4 saylı nümayəndəlik, Lənkəran
15-16 fevral – 6 saylı nümayəndəlik, Yevlax
17-18 fevral – 8 saylı nümayəndəlik, Naxçıvan
18-19 fevral – 3 saylı nümayəndəlik, Şamaxı

İkinci mərhələdə isə, Regionlararası seçim yarışlarının nəticələrinə əsasən 5-6 mart 2013-cü il tarixdə açıq Respublika turnirinin final yarışları baş tutacaq. Final yarışlarında ilk üç yeri tutmuş idmançılar diplom, medal və pul mükafatı ilə təltif ediləcək və yığma komandanın heyətinə cəlb olunacaq.

XƏBƏR LENTİ