Albanlar "Kukesi"-"Qarabağ" matçının yayımına görə 10 min avro istəyir

Sayta qoyulub: 11:35 25.07.2018 (197 dəfə oxunub)

 

Albanlar "Kukesi"-"Qarabağ" matçının yayımına görə 10 min avro istəyir“Qarabağ”ın Çempionlar Liqasında “Kukesi” ilə Albaniyadakı bugünkü oyunu yayımlanmayacaq. Bu ana olan məlumata əsasən, Albaniya tərəfi matçın yayımı üçün Azərbaycan kanallarından 10 min avroya qədər pul tələb edib. Amma kanallardan heç biri bu qədər pulu ödəmək gücündə olmadığını açıqlayıb.
 

Digər məlumata görə, “Qarabağ” klubunun özü də yayım üçün pul ödəmək niyyətində deyil. Klub hesab edir ki, komandanın oyununa və yüzminlərlə azarkeşin marağını nəzərə alaraq yerli kanallar özü matçın yayımı üçün pul ödəməlidir. 

Bundan başqa, texniki səbəblərə görə matçın klubun Youtube kanalı vasitəsi ilə yayımlanmaq ehtimalı da azdır.

P.S. Son anda əldə etdiyimiz məlumata görə, qarşı tərəf yayım üçün istədiyi məbləği aşağı salaraq 5 min avroya endirib!

 

XƏBƏR LENTİ